رحال
رحال يا دنيا رحال
وشايل كتير احمال
وف قلبى مية موال
قليل البخت يا خال
والحظ معايا مال
صبرى صبر الجبال
وان اتهز الجبل ومال
بيبقى حالى معاه مال
عايش مع الترحال
قالوا عليا زينة الرجال
حياتى تنفع تتقال موال
غريب بين ناسى يا خال
عشان معيش من المال
دنيا غريبة دايما باحوال
امتى يرتاح معايا البال
تايه ف طريقى رحال
خطوة يمين واقفة شمال
يارب يا عالم بالحال
ذادت عليا الاحمال
تعبى ليه ليالى طوال
ولا يوم يرتاح البال
رحال يا دنيا رحال
وشايل كتير احمال
كلمات حائرة حزينة
كتبها شاعر الجنوب
ياسر محمد ايوب
ليست هناك تعليقات:
إرسال تعليق